கஞ்சன்

கஞ்சன் அல்லது கஞ்சத்தனம் என்பது பணம் அல்லது பிற உடைமைகளை சேர்த்து வைப்பதற்காக, சில நேரங்களில் அடிப்படை வசதிகளையும் சில தேவைகளுக்குக் கூட செலவழிக்க தயங்கும் ஒரு நபர் அல்லது பண்பு ஆகும்.

மேற்கோள்கள்

• செலவாளி தன் வாரிசைக் கொள்ளையடிக்கிறான். ஆனால் உலோபியோ தன்னையே கொள்ளையடித்து விடுகிறான். லா புரூயர்
• உலோபிகள் உறவினருமாகார், நண்பருமாகார், -மனிதப் பிறவிகளுங்கூட ஆகார். லா புரூயர்
• உலோபியிடம் எது உண்டு? எது இல்லை? அவனிடம் உள்ளவைகளும் கிடையா, இல்லாதவைகளும் கிடையா -பப்ளியஸ் ஸைரஸ்
•  உலோபி தன்னை இழந்து தன் ஊழியனுக்கு அடிமையாகி அவனையே தெய்வமாக அங்கீகரித்து விடுகிறான். -பென்

* உயர்ந்த நன்மைகள்- அவைகளைப் பணத்தால் பெற முடியாது. பெரிய தீமைகள்- அவைகளைப் பணத்தால் பெற முடியாது. இதை உணர்ந்துவிட்டால் பண ஆசை என்னும் நோய் எளிதில் நிவர்த்தியாய்விடும். -கோல்ட்டன்

• திருடரில் திருடன் இங்கே உளன், அவன் தன்னையே கொள்ளையிட்டவன். உலோபியின் கல்லறை எழுத்து
• உலோபிகள் நல்லவர்கள், தங்கள் மரணத்தை விரும்புவோர்க்குத் தனம் சேர்த்து வைப்பவர். -லெஸ் ஜெனஸ்கி
• சாத்தானுடைய வாசஸ்தலம் உலோபியின் நெஞ்சமாகும். -புல்லர்
• பண ஆசை கொண்டவனுக்குத் தங்கந்தான் கடவுள். மனைவி, நண்பன். - பென்

• உலோபி தன் சகோதரனுடைய உடலைப் பட்டினிபோட்டு, தன் - ஆன்மாவையும் பட்டினி போடுகிறான். மரண காலத்தில், அநீதியால் வந்த தன் செல்வங்களை விட்டு அவன் ஏழையாய், நிர்வாணமாய், துன்பத்தோடு செல்கிறான். -தியோடோர் பார்க்கர்

• தங்கத்தின் சுமையைத் தாங்க முடியாமல் முனகுபவன் ரொட்டிக்காக அழுகிறான். - யங்