யூதப் பழமொழிகள்

இப்பக்கத்தில் யூதர்களின் பழமொழிகள் தொகுக்கபட்டுள்ளன.

• இலவச வைத்தியம் - பயனற்ற மருந்தாயிருக்கும்.
• இளமை ரோஜா மாலை, முதுமை முள் மகுடம்.
• இளைஞர் இறக்கக்கூடும், முதியோர் இறந்தே ஆகவேண்டும்.
• உலகம் மெச்சும் நல்லவனை அவன் மனைவி மட்டும் மோசமானவனாகக் கருதுவாள்.
• உறவினர் செல்வமடையும் பொழுதுதான் நாம் அவர்களை மதிக்கிறோம்.
• உன் மனைவி குள்ளமாயிருந்தால், நீ குனிய வேண்டும்.
• ஊமை மனைவி வாயால் ஏசமாட்டாள், கைகளை நெரித்து ஏசுவாள்.
• ஒரு பெண்ணுக்குப் பின்னால் செல்வதைவிட, ஒரு மனிதன் சிங்கத்தின் பின்னால் செல்வது மேல்.
• ஒரு மனிதனைத் தெரிந்து கொள்வதினும், பத்து நாடுகளைத் தெரிந்து கொள்ளல் எளிது.
• ஒரு வீட்டை வாங்குமுன், அக்கம் பக்கத்தில் வசிப்பவர்களைப் பற்றித் தெரிந்து கொள்ள வேண்டும்.
• ஒரே வீட்டிலுள்ள மாமியாரும் மருமகளும் ஒரே பைக்குள் கிடக்கும் இரண்டு பூனைகள் போன்றவர்.
• கலியாணம் செய்து கொள்ளும் மகன் தாயை விட்டுத் தாரத்தைப் பிடித்துக் கொள்கிறான்.
• கழுதை ஏணிமேல் ஏறும்பொழுது, பெண்களிடம் நாம் ஞானத்தைக் காணலாம்.
• காலம்தான் தலை சிறந்த வைத்தியர்.
• கிழவன் ஒரு குமரியை மணந்து கொண்டால், அவன் இளைஞனாகி விடுவான், குமரி கிழவியாவாள்.
• கூனன் தன் கூனலையும் சுமக்க வேண்டியிருக்கிறது.
• கெட்ட பெண்களிடமிருந்து உன்னைக் காப்பாற்றும்படி ஆண்டவனை வேண்டு; நல்ல பெண்களிடமிருந்து நீயே உன்னைக் காத்துக்கொள்.
• தந்தை யில்லாத குழந்தை பாதி அநாதை; தாயில்லாத குழந்தை முழு அநாதை.
• தலைசிறந்த மரணத்தைவிட, மட்டமான வாழ்க்கையும் மேலானது.
• தன் காலம் முடியாமல் எவனும் இறப்பதில்லை.
• தாயிலே கெட்டவளுமில்லை, சாவிலே நல்லதுமில்லை.
• நம் முன்னோர்கள் தேவர்களா யிருந்தால், நாம் மனிதர்களா யிருக்கிறோம்; அவர்கள் மனிதர்களா யிருந்தால், நாம் கழுதைகளா யிருக்கிறோம்.
• நல்ல மாற்றாந்தாய்க்குச் சுவர்க்கத்தில் தங்க நாற்காலி காத்திருக்கிறது.
  

[அப்படி ஒருத்தி கிடைக்க மாட்டாள்.]

• நிலம் வாங்குவதற்கு என்றால், வேகமாக ஓடு; விவாகம் செய்து கொள்வதற்கு என்றால், மெதுவாக நட
• நீ உன் மனைவியை நேசித்தால், அவளுடைய உறவினரையும் நேசிக்க வேண்டும்.
• நீ காலையைக் கண்டிருக்கிறாய், இன்னும் மாலையைக் காண வில்லை
• பிராணிகளின் படைப்பில் பெண்ணே முதன்மையான எழிலுடையவள்.
• பெண்களை அழவிடுவதில் மனிதர்கள் கவனமா யிருக்கவேண்டும்; ஏனெனில் ஆண்டவன் அவர்களுடைய கண்ணீர்த் துளிகளை எண்ணிப் பார்க்கிறான்.
• பெரிய விருந்தும் சிறிது நேரம்தான்.
• மரணம் உண்மையைப் புலப்படுத்துகின்றது.
• மனைவி உறங்கும் பொழுது, (சாமான்) கூடையும் உறங்குகின்றது.
• வயதான கன்னியைவிட இளமையான விதவை மேல்.
• வாழ்க்கை மனிதனுக்குக் கொடுக்கப்பட்ட கடன்தான மரணம் என்னும் கடன்காரன் அதைப் பெற்றுக் கொள்ள ஒருநாள் வருவான்.
• வைத்தியர் தூரத்திலிருந்து கொண்டே மருந்து அனுப்புதல், குருட்டுக் கண்ணால் பார்ப்பது போலாகும்.