மௌனம்

மௌனம் என்பது சத்தம்போடாமல் இருப்பது அல்லது பேசாமல் இருப்பது ஆகும். இது குறித்த மேற்கோள்கள்

• அறிவுள்ள மூளைதான் நாவை அடக்கியிருக்கச் செய்யும். - ஜே. லூகாஸ்

• மௌனத்திற்கு ஆச்சரியமான எத்தகைய ஆற்றலிருக்கின்றது உதடுகள் மூடியிருக்கும் பொழுது எத்தனை தீர்மானங்கள் செய்யப்பெறுகின்றன. எத்தனை ஆன்மார்த்திகமான வெற்றிகள் அடையப்பெறுகின்றன:ஆன்மா, இறைவனின் பார்வை தன்மீது விழுவதை அந்தரங்கமாக எவ்வளவு உணர்கின்றது. - எமர்சன்

• பேசாத வார்த்தை ஒருபோதும் தீமை விளைவிப்பதில்லை. - கோஸத்

• மௌனமாயிருக்கத் தெரியாதவனுக்கு நன்றாகப் பேசவும் தெரியாது. - புளுடார்க்

• உடலுக்கு உறக்கமும் ஓய்வும் ஊட்டமும் அளிப்பது போல, உள்ளத்திற்கு உண்மையான மெளனம் ஓய்வளிக்கும். அது சிறந்த ஒரு பண்பாகும். அது தவறுகளை மறைக்கும் இரகசியங்களைப் பாதுகாக்கும் தகராறுகளை நீக்கும் பாவத்தைத் தடுக்கும். - பென்

• நான் ஒரு வார்த்தையும் பேசவில்லை; அற்பமான இன்பங்கள். பேசினால்தான் உண்டாகும். ஆனால் உள்மனத்தின் ஆனந்தம் ஊமையாகவே பிறக்கின்றது. - எச். நீல்