உருசிய பழமொழிகள்

இதில் உருசிய மொழி பழமொழிகள் தொகுக்கபட்டுள்ளன.

• அநாதைக் குழந்தைகளுக்குத் தந்தையராயிருங்கள்.
• அண்டை வீட்டை விலைக்கு வாங்குவதைப் பார்க்கினும், அண்டை வீட்டானையே விலைக்கு வாங்கு.
• இரண்டு பெண்கள் சேர்ந்தால் ஒரு கடை, மூவர் சேர்ந்தால் ஒரு சந்தை.
• உபதேசியாரிடம் குதிரை வாங்காதே, விதவையிடம் பெண் கொள்ளாதே.
• உன் சொந்த வீட்டில் சுவர்கள் கூட உனக்கு உதவியாயிருக்கும்.
• ஒருத்தி இனிமையா யிருக்கிறாள் என்பதற்காகக் காதலிக்க வேண்டாம், வயதாகிவிட்டது என்பதற்காக அவளைத் தள்ளவும் வேண்டாம்.
• ஒருவன் மீது காதல் தோன்றி விட்டால், அவன் குளிக்காமலிருக்கும் பொழுதே, வெண்மையாகத் தோன்றுவான்.
• ஒருவன் பூரண மனிதனாக விளங்க வேண்டுமானால், அவன் பொதுப் பள்ளியில் மூன்று ஆண்டுகளும், பல்கலைக் கழகத்தில் ஓராண்டும், சிறையில் இரண்டாண்டுகளும் கழித்திருக்க வேண்டும்.
• ஒவ்வொரு மனிதனும் பெண்ணின் மகன்
• கன்னியின் இதயம் இருண்ட கானகம்.
• கணவன் குடித்தால் பாதி வீடு எரியும், மனைவியும் குடித்தால் முழு வீடும் எரியும்.
• காதல் ஒரு வளையம், வளையத்திற்கு முடிவே கிடையாது.
• சிரிக்கிற பெண்ணையும் அழுகிற மனிதனையும் நம்ப வேண்டாம்.
• செத்துக் கிடக்கும் சிங்கத்தைவிட உயிருள்ள சுண்டெலி மேல்.
• செம்பு நாணயம் துருப்பிடித்த காதலுக்குத்தான் சரி.
• தன் வீட்டுக்கு வெளியிலே இன்பத்தை நாடுவோன் தனது நிழலையே துரத்திக் கொண்டு திரிகிறான்.
• தினசரி க்ஷவரம் செய்துகொள்வதைவிட வருடத்திற்கு ஒரு பிள்ளை பெறுவதே எளிது.
  (ரஷ்ய சிப்பாய்கள் இவ்வாறு தங்கள் மனைவியரிடம் சொல்வது வழக்கம்.)
• பிரமசாரி தண்ணீரில்லாத வாத்துப் போன்றவன்.
• மணப் பெண் தொட்டிலிலிருக்கும் பொழுது, மணமகன் குதிரையேறப் பழக வேண்டும்.
• மரணத்திற்கு அஞ்சவேண்டாம், வாழ்க்கைக்கு அஞ்சு.
• மனிதன் நண்பர்களில்லாமல் இருக்க முடியும், ஆனால் அக்கம் பக்கத்து வீட்டார்கள் இல்லாமல் முடியாது
• மனிதன் நடமாடும் பிணம்.
• வாழ்க்கை என்பது அடித்தல், அல்லது அடிபடுதல்.